1899 азы зӕрдӕвӕрӕны мӕйы 15 боны рухс федта Ирон литературӕйы бындурӕвӕрӕг Хетӕгкаты Къостайы ӕнӕмӕлгӕ «Ирон фӕндыр»

15 мая 2023
1899 азы зӕрдӕвӕрӕны мӕйы 15 боны рухс федта Ирон литературӕйы бындурӕвӕрӕг Хетӕгкаты Къостайы ӕнӕмӕлгӕ «Ирон фӕндыр». Уыцы бон 2003 азы нысангонд ӕрцыд, куыд Ирон ӕвзаг ӕмӕ литературӕйы бон.
 
Нӕ фыдӕлтӕй нын цы фӕрнджын хӕзна баззад, уый у нӕ мадӕлон ӕвзаг! Уыцы хӕзнайыл аудын ӕмӕ йӕ рӕзгӕ фӕлтӕрмӕ дарддӕр хӕццӕ кӕнын у абоны хистӕр кары адӕмы сӕйрагдӕр хӕс!
 
Не 'взаг - нӕ хӕзна, зӕгъгӕ, баззад. Ӕмӕ уыцы хӕзна сӕфт куыд нӕ 'рцӕуа, ахӕм амонд уӕд нӕ Ирыстоны.
 
Уӕлдай арфӕ кӕнӕм, Ирон ӕвзагыл чи кусы, уыдонӕн - ахуыргӕнджытӕн, театыртӕ, газеттӕ, телеуынынад ӕмӕ радиойы кусджытӕн.
 
Ирон дзыллӕйӕн нӕ зӕрдӕ зӕгъы, ирон ӕвзаджы хъысмӕт зӕрдӕмӕдзӕугӕ куыд уа, ирон ныхас арӕхдӕр куыд хъуыса, не 'взаг та фӕлтӕрӕй-фӕлтӕрмӕ уӕрӕхдӕр ӕмӕ фидардӕр куыд кӕна!
 
Бӕрӕгбон хорзӕх уӕ уӕд!
 
Ӕрыдоны районы сӕргълӕууӕг Мӕрзаты Владислав,
Ӕрыдоны районы администрацийы сӕргълӕууӕг Баситы Владислав.
А+ А-